लोकतन्त्र जोगाउन लोकतान्त्रिक गठबन्धन

२४ कार्तिक २०७४, शुक्रबार ०६:०७ मा प्रकाशित

नेपालगन्ज, २३ कात्तिक  ः राष्ट्रिय प्रजातन्त्र पार्टीका महामन्त्री धवलशम्शेर राणाले लोकतन्त्रको अस्तित्व जोगाइराख्न प्रतिनिधिसभा र प्रदेशसभा सदस्य निर्वाचनका लागि लोकतान्त्रिक दलबीच चुनावी गठबन्धन भएको दोहो¥याउनुभएको छ ।

लोकतान्त्रिक गठबन्धनमा सामेल नेपाली काँग्रेस र राप्रपाको संयुक्त प्रचारप्रसार भेलालाई सम्बोधन गर्दै उहाँले भन्नुभयो, “यदि नेपालमा कम्युनिष्ट शासन स्थापना भयो भने नागरिकहरुको नैसर्गिक अधिकार खोसिने, मानवअधिकारको संरक्षण, संबद्र्धन नहुने र लोकतन्त्रसमेत गुम्ने अवस्था आउन सक्छ ।” नेपालगञ्ज उपमहानगरपालिका प्रमुख राणाको थप भनाइ थियो, “विश्व राजनीतिमा क्रमशः लुप्त प्रायः हुँदै गएको कम्युनिष्ट व्यवस्था नेपालमा स्थापना भएमा मुलुक र मुलुकबासीले ठूलो मूल्य चुकाउनुपर्नेछ ।”

सो अवसरमा काँग्रेस नेत्री एवं लोकतान्त्रिक गठबन्धन बाँके जिल्ला प्रचारप्रसार समितिका संयोजक किरण कोइरालाले नेपालको लोकतान्त्रिक व्यवस्थाले नागरिकलाई दिएको अधिकार र समृद्धिलाई समाप्त पार्न वाम गठबन्धन भएको आरोप लगाउनुभयो

तपाईंको प्रतिकृयाहरू

नेपाली काँग्रेसका केन्द्रीय सदस्य नारायणप्रकाश साउदले वाम गठबन्धन नेकपा (एमाले)का लागि आत्मघाती हुने बताउनुभएको छ । नेपाली काँग्रेस कञ्चनपुरले आज भीमदत्तनगरपालिका–६ मा आयोजना गरेको चुनावी सभामा उहाँले एमालेका नेताहरु गठबन्धन गरेर पछुताइरहेको छ भन्नुभयो । नेता साउदले “एमाले र माओवादी केन्द्रले काँग्रेससित डराएर गठबन्धन गरी निर्वाचनमा भाग लिए”, भन्दै “दुई कमजोर मिले पनि बलियोलाई हराउन सक्दैनन्,” बताउनुभयो । एमालेलाई माओवादी केन्द्रले भोट दिएर ठूलो पार्टी बनाए माओवादी केन्द्रको अस्तित्व समाप्त हुन्छ, उहाँले भन्नुभयो – “बितेको चार वर्षमा कञ्चनपुरको बजेट चार सय प्रतिशतले बढेको र काँग्रेस नेतृत्वको आगामी सरकारले कञ्चनपुरमा सडक, पुल, खानेपानी लगायतका भौतिक संरचनाको विकासमा विशेष प्राथमिकता दिइनेछ ।” नेपाली काँग्रेसका अर्का केन्द्रीय सदस्य रमेश लेखकले आसन्न निर्वाचनमा काँग्रेस हारे राष्ट्रिय एजेण्डा हार्ने बताउँदै संविधान कार्यान्वयन र मुलुकको समृद्धिका लागि काँग्रेसलाई मतदान गर्न सबैमा आग्रह गर्नुभयो । कञ्चनपुर निर्वाचन क्षेत्र नं ३ मुलुककै आवागमन र व्यापारको मुख्य नाकाका रुपमा विकास गर्न आफू लागिपरेको चर्चा गर्दै कञ्चनपुरलाई नेपाल, भारत र चीनको त्रिदेशीय नाकाका रुपमा विकाग गर्न आवश्यक प्रक्रियाहरु अघि बढिसकेकोसमेत जानकारी दिनुभयो ।